Малдаване пагражаюць сарваць канцэрт Кабзона

Прыхільнікі аб'яднання Малдовы і Румыніі абяцаюць перашкодзіць правядзенню святочнага канцэрта 9 траўня.

Пра гэта абвешчана ў сацыяльных сетках, піша Moldnews.

Правядзенне канцэрта запланавана 9 траўня на плошчы Вялікага нацыянальнага сходу ў Кішынёве. Грамадская арганізацыя «Рух уніяністаў» выказвае незадаволенасць тым, што ў Малдове святкуюць дзень перамогі над фашызмам і прапаноўваюць жыхарам Кішынёва ў гэты дзень выйсці на плошчу.

«Плошча вялікага нацыянальнага сходу, месца, дзе калісьці сотні тысяч людзей сабраліся, каб запатрабаваць вяртання выкрадзеных роднай мовы, алфавіту, рэлігіі і гісторыі, ператвараецца ў цырк для тых, хто адарваў гэты кавалак зямлі ад гістарычнай радзімы», - гаворыцца ў заяве .

Выказваючы абурэнне папярэджаннем з Масквы аб жорсткіх мерах у выпадку забароны выкарыстання савецкай сімволікі ў Кішынёве і аб'вяшчэння 9 траўня днём жалобы, ініцыятары мерапрыемства заклікаюць кішынёўцаў выйсці на плошчу.

«Час скончыць з імперыяй і вярнуць сабе годнасць! 9 траўня выходзім на плошчу з трыкалорам (румынскім дзяржаўным сцягам), будзем спяваць патрыятычныя песні, біць у тобы, дзьмуць у вувузелы, будзем рабіць што захочам - мы дома», - заяўляюць арганізатары, заклікаючы арганізаваць «канцэрт» з выкарыстаннем вувузелаў з мэтай перашкодзіць святкаваць «Дзень перамогі над немцамі і румынамі».

Нагадаем, што ў Дзень перамогі Кішынёў наведаюць расейскія выканаўцы Іосіф Кабзон і Леў Лешчанка.