Масквіч перасёк польска-беларускую мяжу пры дапамозе абцугоў

Беларускія памежнікі затрымалі незвычайнага вандроўніка, які змог прабрацца на тэрыторыю краіны дзякуючы тэхнічным ведам і турыстычным навыкам.

Падчас звычайнага абыходу памежны нарад выявіў сляды невядомага паходжання, якія вядуць на тэрыторыю Беларусі з Польшчы. Пры гэтым парушальнік не стаў рабіць падкоп, а здолеў спрытна пераадолець складаны сігналізацыйны комплекс іншым спосабам: ніткі інжынернага збудавання былі перакушаныя відавочна з веданнем справы - дзейнічаў тэхнічна падкаваны чалавек, перадае тэлеканал ОНТ.

Парушальніка ўдалося затрымаць на ўскраіне пасёлка Доўбізна Камянецкага раёна Брэсцкай вобласці. Дакументаў, якія сведчаць асобу, пры сабе ў вандроўніка не аказалася.

Як патлумачыў сам мужчына, ён - масквіч, доўгі час жыў у Іспаніі, але згубленыя дакументы і складаныя ўмовы жыцця на чужыне прымусілі яго вярнуцца дадому. Сталічны жыхар прыхапіў з сабой практычна ўсё неабходнае для жыцця за межамі цывілізацыі: турыстычную палатку, спальны мяшок, кацялок, прыналежнасці для лоўлі рыбы, а таксама абцугі, скрутак электрычнага кабеля, восем роварных камер, тапаграфічныя карты Беларусі і Польшчы, сродкі асабістай гігіены і камплект камуфляванай формы замежнай вытворчасці з нарукаўнымі знакамі Іспаніі.

Брэсцкія памежнікі ўжо правялі сустрэчу з польскімі калегамі па факце парушэння дзяржаўнай мяжы Беларусі. А сам масквіч затрыманы і знаходзіцца ў ізалятары часовага ўтрымання.