У Менску мяняюць нумары тэлефонаў

Тэлефонныя нумары, якія пачынаюцца з «278», зменяцца з канца траўня ў Менску.

У сувязі з мадэрнізацыяй тэлефоннай сеткі ў горадзе Менску з 27 па 31 траўня 2013 года будзе праводзіцца паэтапнае пераключэнне абанентаў з тэлефоннымі нумарамі, якія пачынаюцца на 278-хх-хх (тэлефонная станцыя № 278) на новае абсталяванне. Усе абаненты праінфармаваныя з дапамогай паведамленняў з указаннем дакладнай даты пераключэння і новага нумара тэлефона, паведаміла прэс-служба РУП «Белтэлекам».

«У цяперашні час у сталіцы актыўна ўкараняецца сетка новага пакалення IMS, якая ў перспектыве заклікана замяніць усе існуючыя сеткі электрасувязі і аб'яднаць розныя тэхналогіі прадастаўлення паслуг. Сетка IMS - гэта сучасная тэлекамунікацыйная сістэма, якая дазваляе прапанаваць абанентам, як традыцыйныя паслугі (тэлефанія, доступ у сетку Інтэрнэт byfly і тэлебачанне ZALA), так і новыя паслугі (замена гудкоў на мелодыю, вызначэнне ўсіх нумароў, дадатковыя віды паслуг і інш) .

Нагадваем, што для захавання дамоўных адносін абанентам варта звярнуцца ў сэрвісны цэнтр «Белтэлекам» для бясплатнай замены на нумар сеткі IMS. Пасля завяршэння пераключэння будзе ўстаноўлены аўтаінфарматар тэрмінам на шэсць месяцаў, які паведамляе новы парадак набору нумара», - гаворыцца ў паведамленні прэс-службы.