Віцебскі аблвыканкам закупляе «аднарукіх бандытаў»

УКБ Віцебскага аблвыканкама размясціла тэндэр на закупку дзевяці гульнявых аўтаматаў за 150 000 000 рублёў.

Паводле дакументаў тэндэру, «Аднарукія бандыты» (аналаг менавіта гэтага апарата закупляецца) прызначаныя нібыта для ўсталёўкі ў Лядовым палацы спорту, які будуюць у Оршы, пішуць «Народныя навіны Віцебска».

Паставіць абсталяванне павінны да канца ліпеня 2013 года. Фінансуецца закупка з мясцовага бюджэту.

Нагадаем, у мінулым годзе віцебскіх чыноўнікаў пацягнула на гламур. У кастрычніку чыноўнікі размясцілі заяўку на куплю трох легкавых аўтамабіляў Skoda Superb са скураным салонам Glamour.