На дэпазітах насельніцтва сабралася каля 90 трыльёнаў рублёў

У пераліку на даляры па курсе Нацбанка сума дэпазітаў перавысіла $10,3 мільярда.

Такія дадзеныя сёння публікуе Нацыянальны банк Беларусі.

На 1 чэрвеня 2013 года рублёвыя дэпазіты фізічных асоб выраслі да 33 683,7 млрд беларускіх рублёў, з іх на пераводных дэпазітах знаходзілася 10 710,7 млрд. (+884,8 млрд), на тэрміновых дэпазітах - 22 973,0 млрд (+806,9 млрд).

На дэпазітах у валюце ў насельніцтва ў пераліку на беларускія рублі знаходзілася 56 166,4 млрд. Пераводныя дэпазіты скараціліся на 9,7 млрд да 3 499,0 млрд беларускіх рублёў, тэрміновыя дэпазіты выраслі на 377,7 млрд да 52 667,4 млрд беларускіх рублёў.