Джордж Буш здзейсніў аварыйную пасадку праз задымленне самалёта

Самалёт з былым прэзідэнтам ЗША Джорджам Бушам-малодшым на борце здзейсніў вымушаную пасадку ў аэрапорце горада Луісвілля.

Яна адбылася праз задымленне ў кабіне пілотаў. Аб інцыдэнце паведаміла ў нядзелю журналістам прадстаўніца федэральнага ўпраўлення грамадзянскай авіяцыі Холі Бэйкэр, перадае «Интерфакс».

Турбовентылятарны двухматорны сярэдні самалёт бізнес-класа Golfstream IV ляцеў з міжнароднага аэрапорта Філадэльфіі ў Далас.

Падчас пералёту пілот паведаміў авіядыспетчарам пра тое, што адчуў пах дыму.

Самалёт узяў курс на аэрапорт горада Луісвілля, штат Кентукі, дзе пасля здзейсніў паспяховую пасадку. Джордж Буш-малодшы ў выніку інцыдэнту не пацярпеў.

Фота: fotografobeta.blogspot.com