Лаўрэаты прэміі Быкава - Алесь Марачкін і Зміцер Вайцюшкевіч

На радзіме народнага пісьменніка Беларусі Васіля Быкава прайшлі памятныя мерапрыемствы, прысвечаныя 89-й гадавіне з дня нараджэння літаратара.

Галоўнай падзеяй свята ў вёсцы Бычкі Ушацкага раёна Віцебскай вобласці традыцыйна з'яўляецца ўручэнне прэміі імя Васіля Быкава «За свабоду думкі», заснаванай рухам «За Свабоду», піша «Наша Нiва».

У гэтым годзе журы вызначыла два лаўрэата - мастака Алеся Марачкіна і музыканта Змітра Вайцюшкевіча.

Прэмія ўручаецца пісьменнікам, культурным і грамадскім дзеячам, якія спрыялі ўмацаванню беларускага духу.

Прэмія імя Васіля Быкава «За свабоду думкі» была заснаваная ў 2007 годзе.