Станіслаў Багданкевіч: А ў каго акрамя ЕўрАзЭС Ермакова папросіць грошы?

Нацбанк адмаўляецца выконваць рэкамендацыі МВФ і ЕўрАзЭС.

Такое меркаванне сайту charter97.org выказаў экс-старшыня Нацыянальнага банка Беларусі, каментуючы заяву Надзеі Ермаковай пра тое, што будучым крэдыторам краіны будзе не АКФ ЕўрАзЭС.

«Антыкрызісны фонд ЕўрАзЭС і Міжнародны валютны фонд з'яўляюцца самымі лепшымі крыніцамі, якія могуць быць для эканомікі Беларусі. Таму што яны самыя льготныя, самыя танныя і доўгатэрміновыя. Лепш атрымаць крэдыт пад 3-5%, а не пад 7-9%, калі мы атрымліваем яго, размяшчаючы еўрабонды на свабодным рынку. Так што, гэта лепшыя крэдыты», - перакананы вучоны.

Эканаміст падкрэсліў, што дадзеная заява Ермаковай сведчыць пра нежаданне Нацбанка выконваць рэкамендацыі гэтых міжнародных арганізацый, а патрабаванні ў іх амаль аднолькавыя.

«Я лічу, што трэба прыслухоўвацца да рэкамендацый Еўразійскага банка развіцця і Сусветнага банка, рабіць рэформы і атрымліваць у іх крэдыты. Так, усе іншыя крэдыты таксама могуць быць - мы можам іх атрымаць, размяшчаючы каштоўныя вэксалі на вольным фінансавым рынку, але гэта будзе не менш 7-8%, а то і 10%, што вельмі нам нявыгадна», - упэўнены Станіслаў Багданкевіч.

Нагадаем, сёння, кажучы пра будучыню крэдытораў Беларусі, кіраўнік Нацбанка Надзея Ермакова заявіла, што гэта будзе не АКФ ЕўрАзЭС. Пры гэтым Ермакова не ўдакладніла, у каго ўлады збіраюцца пазычыць на гэты раз.