Беларускім беспілотнікам знайшлі ўжыванне
37- 3.06.2013, 18:06
- 25,972
Несанкцыянаваныя сметнішчы ў Беларусі будуць шукаць пры дапамозе спадарожнікаў і беспілотнікаў.
Пра гэта паведаміў сёння на прэс-канферэнцыі, прымеркаванай да Сусветнага дня навакольнага асяроддзя, генеральны дырэктар рэспубліканскага ўнітарнага прадпрыемства «Беларускі навукова-даследчы геолагаразведачны інстытут» (БелНДГРІ) Андрэй Каўхута, паведамляе БелТА.
Інстытут працуе над развіццём дыстанцыйных метадаў маніторынгу, якія раней ужываліся пераважна для адсочвання змяненняў якаснага складу падземных вод. Так, у найбліжэйшай будучыні «БелНДГРІ» ўвядзе ў эксплуатацыю сістэму дыстанцыйнага выяўлення несанкцыянаваных сметнішчаў на ранніх стадыях іх з'яўлення.
Для гэтага спецыялісты ўстановы плануюць выкарыстоўваць беспілотныя лятальныя апараты Нацыянальнай акадэміі навук Беларусі і спадарожнік, хутчэй за ўсё, беларускі. «Дапрацоўваецца тэхналогія выяўлення сметнішчаў беспілотнікамі, і вядуцца адпаведныя перамовы», - дадаў Андрэй Каўхута.
Нагадаем, вытворчасцю беспілотнікаў у Беларусі займаецца авіярамонтны завод у Баранавічах.