Беларусь магла паставіць у Сірыю С-300
14- 30.08.2013, 11:22
- 27,718
Сірыйскае войска можа мець на ўзбраенні зенітныя ракетныя сістэмы (ЗРС) С-300.
Разам з комплексамі і сістэмамі СПА С-200, Бук-М1-2, Бук-М2Э, «Панцыр-С1Э», С-125 «Нява», С-125М «Пячора» зенітныя ракетныя сістэмы дазволяць Дамаску эфектыўна адбіваць ракетныя атакі ЗША з паветра і мора, заявіла інфармаваная ваенная крыніца ў Маскве.
«Сірыйская СПА можа даць годны адказ на ўдары ЗША і іх саюзнікаў па антысірыйскай кааліцыі ў выпадку развязвання вайны. Сёння Дамаск валодае прыкладна тысячай адзінак ЗРС і ЗРК, больш чым пяццю тысячамі зенітных гарматных сістэм розных тыпаў», - паведаміў «Інтэрфаксу-АВН» у пятніцу адзін з экс-кіраўнікоў Войскаў СПА Узброеных сіл РФ.
Пры гэтым ён не выключыў, што на ўзбраенні войскаў СПА Сірыі могуць быць ЗРС С-300.
«Калі сірыйцам гэтую сістэму не паставіла ў свой час Расея, пра што было заяўлена на самым высокім узроўні, то гэта цалкам маглі зрабіць Беларусь ці Кітай, без агалоскі, у 2010-2011 гадах», - заявіў суразмоўца агенцтва.
Фота: ІТАР-ТАСС