Індыя хоча купіць 20% «Беларуськалію»
34- 10.09.2013, 11:24
- 19,630
Індыя вядзе перамовы з уладамі Беларусі аб куплі 20% «Беларуськалію».
Пра гэта паведаміў дырэктар індыйскага Цэнтра па развіццю «зялёных» тэхналогій і ўпраўлення Сукумаран Наір на VI міжнароднай канферэнцыі «Мінеральныя ўгнаенні» ў Маскве, паведамляе «Прайм».
«Вядзем перамовы з Беларуссю аб куплі 20% яе кампаніі «Беларуськалій». У сапраўдны момант дыскусія працягваецца», - сказаў ён. Наір растлумачыў, што ў яго гэтая інфармацыя «ад кампаній, якія вядуць перамовы».
Паводле яго слоў, 20% «Беларуськалію» - гэта «пачатак, з якога пачалі перамовы» . «Як мы разумеем, гэта тое, на што можа пайсці беларускі бок», - дадаў Наір.
Восенню 2012 года Лукашэнка казаў, што Беларусь вядзе перамовы аб продажы пакета акцый «Беларуськалію» з пяццю кампаніямі - з Індыі, Кітая, Еўропы, арабскіх краін. На той момант, паводле слоў Лукашэнкі, кошт «Беларуськалію» ацэньваўся ў 33-36 мільярдаў даляраў. Пры гэтым, паводле слоў першага віцэ-прэм'ера Беларусі Уладзіміра Сямашкі, пакуль да продажу разглядаецца пакет у памеры не больш за 15% акцый «Беларуськалію».
ААТ «Беларуськалій» функцыянуе на базе Старобінскага радовішча калійных соляў, да жніўня 2013 экспартаваў прадукцыю разам з расейскім «Уралкаліем» URKA 1,01% праз сумесную Беларускую калійную кампанію. Аднак улетку «Уралкалій», які раней таксама прэтэндаваў на куплю «Беларуськалію», абвясціў аб спыненні экспартных продажаў праз БКК.
У жніўні ўлады Беларусі затрымалі гендырэктара «Уралкалію» Уладзіслава Баўмгертнера падчас яго прыезду ў Менск, а затым абвясцілі ў міжнародны вышук асноўнага акцыянера Сулеймана Керымава. Абодвум зараз пагражае ў Беларусі тэрмін да 10 гадоў па артыкуле аб злоўжыванні ўладай і службовымі паўнамоцтвамі.
Цяпер «Беларуськалій» спыніў здабычу калію на нявызначаны тэрмін, а ўсіх рабочых перавялі на дзве трэці акладу.