Праезд па дарогах можна аплаціць картай EuroShell

Карыстальнікі паліўных карт EuroShell змогуць аплочваць праезд платных аўтадарог Беларусі.

Гэта прадугледжана пастановай Міністэрства транспарту і камунікацый № 28, што была апублікаваная ўчора на Нацыянальным прававым інтэрнэт-партале.

Дакумент уносіць змены ў пастанову Міністэрства транспарту і камунікацый № 23 ад 28 чэрвеня 2013 года.

Раней плата за праезд транспартных сродкаў па платных аўтамабільных дарогах у рэжыме аплаты паводле факта , плата за праезд у рэжыме перадаплаты, а таксама закладны кошт прылады электроннай аплаты спаганяліся з дапамогай паліўных карт Berlio, «Беларуснафта» , ПЭК «Белаўтастрада», Е100, Eurowag .

Пастанова ўступае ў сілу пасля яго афіцыйнага апублікавання.

Нагадаем , эксплуатацыя электроннай сістэмы BelToll пачалася ў Беларусі з 1 жніўня. BelToll - гэта электронная сістэма збору платы за праезд, якая заснавана на выкарыстанні тэхналогіі спецыялізаванай радыёсувязі на кароткіх адлегласцях, якая дазваляе спаганяць зборы з карыстальнікаў дарогі без прыпынку транспартных сродкаў. У цяперашні час сістэма ахоплівае 815 км беларускіх дарог. Работы ў пашырэнні сеткі вядуцца на участках рэспубліканскіх аўтамагістраляў М4 (Менск - Магілёў) і М5 (Менск - Гомель).