BelToll у дзеянні: сотні машын затрымаліся ў «Казловічах»

На стаянках у раёне пункта «Казловічы» на трасе М1 назапасіліся грузавікі.

- Сёння BelToll не працуе, грузавікі на М-1 стаяць, - паведаміў у «Твітэры» карыстальнік @artem_krupskiy. - Наш кіроўца стаіць у Брэсце і не можа ехаць, прыбор не працуе. BelToll сказаў вырашае пытанне. Шмат машын стаіць, транспартнікі ў Казловічах усе грузавікі накіроўваюць на стаянку, і прыбор усталяваны ў машыне гарыць чырвоным колерам. Транспартнікі спыняюць проста каб на штраф не трапілі. У пунктах абслугоўвання яшчэ раніцай сказалі што вырашаюць праблему.

- Прычым перакладаюць віну адзін на аднаго BelToll і E-100! - паведаміў @artem_krupskiy.

BelToll, у сваю чаргу, апраўдваецца за чэргі і звяртае ўвагу, што перавозчыкі маглі загадзя паклапаціцца аб рэгістрацыі ў сістэме і атрыманні бартавой прылады, а не стаяць цяпер у чэргах.

Нагадаем, сістэма BelToll пачала паўнавартасна функцыянаваць у чацвер: за праезд па асобных дарогах спаганяецца плата ў аўтаматычным рэжыме, пры выяўленні парушальнікаў будуць выпісвацца штрафы. Да 9.00 чацвярга сістэма абслужыла 22 тыс. 740 карыстальнікаў, у якасці платы за карыстанне дарогамі было сабрана каля Br590 млн. За гэты ж час выяўлена каля 340 парушальнікаў, якія праігнаравалі ўвядзенне сістэмы.

На першым этапе сістэмай ахоплена 815 км рэспубліканскіх аўтадарог, у тым ліку траса M1/E30 (Брэст - Менск - мяжа Расейскай Федэрацыі) і дарога на Нацыянальны аэрапорт Менск. Інвестарам праекта выступае аўстрыйская кампанія Kapsch TrafficCom, якая накіруе на яго рэалізацыю 267 млн. еўра, у тым ліку ўжо інвеставана 120 млн еўра.