Беларускі «чыл'еджыні» з'явіцца на прылаўках
26- 5.09.2013, 12:19
- 26,085
Тураўскі малочны камбінат асвойвае выпуск чыл'еджыні.
ААТ «Тураўскі малочны камбінат» асвойвае выпуск чыл'еджыні - невялікіх шарыкаў мацарэлы, якія па форме нагадваюць буйную чарэшню, паведамілі БелТА на прадпрыемстве.
На камбінаце ўжо ўсталяванае дадатковае абсталяванне для вытворчасці чыл'еджыні. У канцы жніўня была выпушчаная пробная партыя прадукцыі, якая паспяхова прайшла ўсе неабходныя выпрабаванні.
Плануецца, што прамысловая вытворчасць чыл'еджыні на прадпрыемстве пачнецца ў першай палове верасня. У раздробны продаж прадукцыя паступіць расфасаванай па 100 г.
Таксама ў бліжэйшы час плануецца выпуск пробнай партыі паўцвёрдага сыру «Мацарэла паніні». Гэты сыр будуць выпускаць з двума відамі дадаткаў. Як адзначылі на прадпрыемстве, пры яго вытворчасці будуць выкарыстоўвацца натуральныя дадаткі.
Плануецца, што да канца 2013 года Тураўскі малочны камбінат павялічыць вытворчасць італьянскіх сыроў з 150 т (на 1 чэрвеня 2013 года) да 700 т у месяц. Прадукцыя кампаніі рэалізуецца на ўнутраным рынку і пастаўляецца на экспарт у Расею. Акрамя таго, вядуцца перамовы аб пастаўках ва Украіну. У бліжэйшай перспектыве таксама магчымыя пастаўкі прадукцыі на рынкі Казахстана, Грузіі, Азербайджана.