Кітайская газета распавяла падрабязнасці пакарання дзядзькі Кім Чэн Ына

Кітайская дзяржаўная газета Wen Wei Po апублікавала артыкул з падрабязным апісаннем пакарання дзядзькі лідара КНДР Кім Чэн Ына.

Як паведамляе 3 студзеня The Independent, кітайскія журналісты сцвярджаюць, што Чан Сон Тхэка жыўцом скармілі сабакам.

Паводле звестак Wen Wei Po, дзядзьку паўночнакарэйскага лідара і яшчэ пяцёх абвінавачаных паводле той жа справы распранулі і аддалі на з'ядзенне 120 сабакам, якіх дагэтуль тры дні не кармілі. Выданне сцвярджае, што працэс пакарання заняў амаль гадзіну і адбываўся на вачах у сотняў паўночнакарэйскіх чыноўнікаў, піша Lenta.ru.

Пры гэтым афіцыйнага пацверджання гэтай інфармацыі з боку КНДР або незалежных крыніц пакуль не паступала. Шэраг выданняў не выключае, што за публікацыяй гэтага матэрыялу стаіць афіцыйны Пекін, незадаволены новым курсам Пхеньяна, і які спрабуе ў сувязі з гэтым выставіць нядаўніх партнёраў у непрывабным свеце і яшчэ мацней ускладніць стасункі КНДР з заходнімі краінамі.

Акрамя таго, у праўдзівасці выкладзенай у артыкуле інфармацыі засумняваліся асобныя праваабаронцы. На іх думку, такія метады занадта жорсткія нават для паўночнакарэйскага рэжыму.

Раней у прэсе фігуравала інфармацыя, паводле якой Чан Сон Тхэк і ягоныя паплечнікі былі 12 снежня расстраляныя ў будынку міністэрства дзяржбяспекі ў Пхеньяне, прычым некаторыя крыніцы сцвярджалі, што для гэтага выкарыстоўваліся зенітныя кулямёты, а на пакаранні прысутнічалі некалькі высокапастаўленых чыноўнікаў Працоўнай партыі. Зрэшты, гэтая версія афіцыйнага пацверджання таксама не атрымала.

Гэта не адзінае разыходжанне свежай заявы кітайскай прэсы са звесткамі пра пакаранне смерцю дзядзькі Кім Чэн Ына, якую журналістам ужо ўдалося атрымаць раней. Так, паведамлялася аб сямі, а не аб пяці паплечніках Чан Сон Тхэка, пакараных разам з ім. Паводле некаторых звестак, сярод пакараных былі два чальцы Працоўнай партыі, два чальцы ўрада і двое вайскоўцаў.

Сам Кім Чэн Ын згадаў пакаранне свайго дзядзькі ў навагоднім звароце да народа. Лідар КНДР адзначыў на гэты конт, што Працоўная партыя павінна ачысціцца ад фракцыянераў, што разбураюць яе адзінства. Са слоў паўночнакарэйскага лідара, пакаранне смерцю ягонага дзядзькі дапамагло згуртаваць нацыю.

Дзядзьку дзейнага лідара КНДР называлі другой асобай у краіне. Ён уважаўся за палітычнага настаўнікам Кім Чэн Ына ў часы, пакуль той яшчэ не мог кіраваць краінай самастойна. Афіцыйна Чан Сон Тхэку было выстаўлена абвінавачванне ў марнаванні дзяржаўных сродкаў на жанчын і наркотыкі, аднак яго абгрунтаванасць выклікала ў многіх экспэртаў сумневы. Паводле адной з версій, прычынай пакарання дзядзькі лідара КНДР стаў ягоны надзвычайны ўплыў на палітычнае жыццё краіны.