Кошты нафты зніжаюцца праз рэцэсіі ў Японіі і прагнозу IEA

Ф'ючэрсы на Brent патаннелі на $0,51 да $78,90 за барэль, а ф'ючэрсы на WTI - на $0,38 да $75,44 за барэль.

Кошты нафты зніжаюцца, так як у Японіі пачалася рэцэсія, а Міжнароднае энэргетычнае агенцтва не чакае павышэння коштаў у найбліжэйшай будучыні.

Да 9.50 паводле Менску ф'ючэрсы на Brent патаннелі на $0,51 да $78,90 за барэль, а ф'ючэрсы на WTI - на $0,38 да $75,44 за барэль, паведамляе Рэйтэр.

ВУП Японіі нечакана скараціўся на 1,6% у трэцім квартале праз слабое спажыванне і экспарт. «Гэта чарговы ўдар па кошце нафты, чарговы адмоўны фактар. Тэндэнцыя да зніжэння захаваецца, пакуль не адбудзецца штосьці, што зменіць яе. Такой падзеяй можа стаць нарада АПЕК», - сказаў кіраўнік рызыкамі нафтавага рынку Mitsubishi Corp у Токіо Тоні Нуна.

Краіны АПЕК абмяркуюць узровень здабычы на нарадзе на наступным тыдні. Міністр нафтавай прамысловасці Ірана сказаў у нядзелю, што некаторыя ўдзельнікі картэлі шукаюць апраўдання свайму нежаданню знізіць здабычу для стабілізацыі рынку, піша liga.net.

Міжнароднае энэргетычнае агенцтва (IEA) у штомесячным дакладзе паведаміла, што не чакае высокіх коштаў на нафту ў бліжэйшыя гады, улічваючы запаволенне эканамічнага росту Кітая і рост здабычы сланцавай нафты ў ЗША.

Напярэдадні расейскія СМІ паведамілі, што Іран і Венесуэла дамовіліся аб супрацоўніцтве ў АПЕК з мэтай вярнуць кошт нафты да ўзроўню $100 за барэль. Дамоўленасць была дасягнутая сёння на тэгеранскіх перамовах міністра нафты Ірана Біджан Намдара Зангене і міністра замежных спраў Венесуэлы Рафаэля Рамірэса.

Паводле звестак экспертаў, расейскі бюджэт губляе блізу 80 млрд рублёў ($2 млрд) на кожным даляры ў выпадку падзення коштаў нафты.