NАТО разгледзіць пашырэнне прысутнасці ў Польшчы

Тэма будзе абмяркоўвацца на сустрэчы кіраўнікоў вайсковых ведамстваў альянсу.

На фоне ўкраінскага крызісу NАТО разглядае магчымасць пашырэння прысутнасці альянсу ў Польшчы. Як паведамляе ў нядзелю, 1 чэрвеня, выданне Spiegel Online, гэтая тэма будзе абмяркоўвацца падчас сустрэчы кіраўнікоў вайсковых ведамстваў краін Паўночнаатлантычнага альянсу на наступным тыдні. З просьбай да NАТО пайсці на такі крок звярнулася Польшча, якая спаслалася на тое, што адчувае пагрозу з боку Расеі, паведамляе Deutsche Welle.

Паводле папярэдніх звестак, плануецца павялічыць колькасць шматнацыянальнага каманднага цэнтра «Паўночны ўсход», які дыслакаваны ў польскім горадзе Шчэціне, адзначае агенцтва Reuters. У гэты час яго колькасць складае 200 жаўнераў і афіцэраў. Камандны цэнтр ўяўляе сабой штаб, у які ўваходзяць вайскоўцы з Нямеччыны, Даніі і Польшчы. У выпадку неабходнасці функцыі штаба могуць быць актываваныя ў поўным аб'ёме з тым, каб ажыццяўляць каардынацыю дзеянняў баявых падраздзяленняў