Пажар у калоніі пад Калінінградам: эвакуяваныя 200 чалавек
2- 1.06.2014, 20:46
- 6,704
У Калінінградскай вобласці загарэлася памяшканне жаночай папраўчай калоніі.
З яе эвакуявана больш за 200 чалавек, паведамляе «Інтэрфакс» са спасылкай на крыніцу ў праваахоўных органах рэгіёну.
«Пажар узнік у нядзелю ўвечары ў населеным пункце Каласоўка ў жаночай папраўчай калоніі нумар 4. Плошча пажару складае больш за 1 тыс квадратных метраў» – сказала крыніца.
Ён адзначыў, што паводле папярэдніх дадзеных, якія паступілі ад адміністрацыі калоніі, ахвяр і пацярпелых няма, эвакуявана больш за 200 чалавек.
На месцы здарэння працуюць ратавальнікі, пажарныя. «Пажар пакуль патушыць не ўдаецца», – адзначыў суразмоўца агенцтва.