Беларускія музыкі патрапілі ў аўтакатастрофу
- 3.07.2014, 19:32
- 10,760
Адміністратар беларускага гурта «Sex» Валерый Каберкін знаходзіцца ў вельмі цяжкім стане ў рэанімацыі Медыньской бальніцы Калужскай вобласці Расейскай Федэрацыі.
Трагедыя адбылася падчас вяртання музыкаў з Расеі з фестывалю рок-музыкі «Доброфест». Лідар гурта Валерый Клымчук пасля экстранай медыцынскай дапамогі са шматлікімі траўмамі і пашкоджаннямі змог дабрацца дадому на спадарожным аўтатранспарце. Валерый Каберкін на гэты момант знаходзіцца ў суседняй краіне ў цяжкім стане, перадае карэспандэнт charter97.org.
У інтэрнэце пачаўся збор сродкаў для тэрміновай аперацыі і транспарціроўкі Валерыя Каберкіна ў Беларусь.