Арцемій Троіцкі эміграваў у Эстонію

Жыць у РФ сёння немагчыма, мяркуе ён.

Музычны журналіст і грамадскі дзеяч Арцемій Троіцкі наважыў пераехаць на сталае месца жыхарства ў Эстонію.

Пра гэта паведамляе выданне Slon.ru.

«На працягу апошняга года жыццё для тых, чый светапогляд не супадае са светапоглядам уладаў, стала вельмі складаным, сталая ваенная прапаганда на тэлевізіі, спробы прымусіць трымаць сваё меркаванне пры сабе разам з усё больш цяжкім пачуццём, што зямля рухаецца да прорвы», - растлумачыў сваю пастанову Троіцкі.

Журналіст пакуль не плануе вяртацца ў Расею. Пры гэтым ён адзначыў, што за палітычнага ўцекача сябе не ўважае - прынамсі, да таго часу, пакуль Расея не закрые мяжу. Троіцкі і ягоная сям'я будуць жыць у Таліне, у раёне Мяхе. Са слоў Троіцкага, ён мерыцца працаваць у Талінскім універсітэце.

Арцемій Троіцкі вядомы сваёй крытычнай пазіцыяй у дачыненні да прэзідэнта Расеі Уладзімера Пуціна. Ён браў актыўны ўдзел у апазіцыйных рухах 2012 года, у прыватнасці, у мітынгу «За сумленныя выбары» на Балотнай плошчы. Троіцкі арганізаваў запіс апазіцыйнага «Белага альбома», выступаў на мітынгах і арганізоўваў канцэрты ў абарону палітвязняў. Таксама Троіцкі з'яўляецца заснавальнікам незалежнай музычнай прэміі «Стэпавы воўк».