Пётр Парашэнка: Яны выбралі вайну, і мы адкажам на гэта
35- 4.07.2014, 19:58
- 40,808
Прэзідэнту Украіны даклалі пра паспяховую аперацыю вызвалення Мікалаеўкі ў Данецкай вобласці ад тэрарыстаў.
Пра гэта гаворыцца ў паведамленні прэс-службы Пятра Парашэнкі. Аперацыя праходзіла пад кіраўніцтвам начальніка Генеральнага штаба Узброеных сіл Украіны Віктара Мужэнкі.
«Падчас аперацыі ў палон захоплена больш за 50 баевікоў, сярод якіх ёсць грамадзяне Расеі, на чале з лідарам, мянушка якога Скарпіён. Вызвалены 150 жанчын і дзяцей, якія больш за двое сутак знаходзіліся ў склепе Дома культуры Мікалаеўка, і якіх баевікі збіраліся выкарыстоўваць у якасці жывога шчыта. у баевікоў пачалася паніка. Вызваленым закладнікам прапануюць аздараўленне», - гаворыцца ў паведамленні.
Парашэнка адзначыў высокі ўзровень правядзення баявой аперацыі. «Наша мэта - мір, але мы вымушаныя ваяваць для дасягнення гэтай мэты», - сказаў ён, падкрэсліўшы, што цягам дзеяння рэжыму спынення агню сепаратысты мелі магчымасць выбраць мір, здаць зброю і вызваліць закладнікаў. «Яны выбралі вайну, і мы будзем на гэта адказваць», - сказаў Парашэнка.
Як паведамлялася, раней міністр унутраных спраў Арсен Авакаў паведаміў аб паспяховай зачыстцы Мікалаеўкі ад тэрарыстаў.