Кітайцы адправяць «нефрытавага зайца» на Марс
4- 4.07.2014, 21:59
- 5,843
Галоўны канструктар кітайскага месяцахода спадзяецца, што палепшаная версія ягонага тварэння будзе адпраўленая на Марс.
«Я спадзяюся, што яшчэ да таго, як я пайду на пенсію, кітайцы пачнуць даследаваць Марс, - заявіў Ян Цзя. - Я спадзяюся, што мы зможам паслаць марсаход лепш «нефрытавага зайца» на гэтую планету».
Ян Цзя таксама распавёў, што адчуў роспач, калі «Нефрытавы заяц» страціў сувязь з Зямлёй праз шэсць тыдняў пасля таго, як ён паспяхова дасягнуў паверхні Месяца, піша Lenta.ru.
14 снежня «Нефрытавы заяц» паспяхова выканаў пасадку на Месяцы. Такім чынам, КНР стала трэцяй краінай у свеце, якая запусціла на Месяц свой касмічны апарат. Аднак 25 студзеня на месяцаходу была выяўленая няспраўнасць, і ён страціў сувязь з Зямлёй. Апарат так і не вярнуўся да жыцця пасля халоднай 14-дзённай месячнай ночы.
10 лютага, калі нарэшце наступіў месяцовы дзень, пасля беспаспяховых спробаў актываваць месяцаход кітайскія спецыялісты амаль прызналі паразу. «Гэта як быццам монстар збіраецца праглынуць вас: ваш розум ясны, але вы не можаце рухацца, - распавядае Цзя аб сваіх эмоцыях падчас спробаў ажывіць «Зайца». - Мы зрабілі ўсё, што маглі. Больш нічога не засталося. Напэўна, прыйшоў час сказаць бывай».
Аднак пазней у лютым месяцаход ўсё ж такі ажыў. КНР абвясціла месяцовую місія апарата «поўным поспехам». Аднак тэхнічныя праблемы працягвалі пераследаваць «Нефрытавага зайца». І апошнія справаздачы аб рабоце апарата кажуць, што ён становіцца ўсё больш «слабым».