Арсень Яцэнюк: Украіна бярэ курс на ўступленне ў NАТО
80- 29.08.2014, 14:40
- 51,867
Законапраект аб адмене пазаблокавага статусу Украіны прапанаваны на разгляд парламенту.
Аб гэтым піша УНІАН.
Кабінет міністраў уносіць на разгляд Вярхоўнай Рады законапраект аб адмене пазаблокавага статусу Украіны і аб аднаўленні курсу краіны на сяброўства ў NАТO. Пра гэта заявіў на пасяджэнні ўрада прэм'ер-міністр Украіны Арсень Яцэнюк. «Урад Украіны прапаноўвае на разгляд парламента закон аб адмене пазаблокавага статусу Украінскага дзяржавы і аб аднаўленні курсу Украіны на сяброўства ў NАТO», - адзначыў ён.
Са слоў Яцэнюка, згодна з законапраектам, «асноўная мэта і адзіная мэта Украіны ў замежнай палітыцы - гэта здабыццё сяброўства ў Еўрапейскім Звязе». «Гэты законапраект забараняе ўкраінскай дзяржаве прымаць пастановы аб сяброўстве ва ўсякіх іншых эканамічных, палітычных або вайсковых саюзах, якія супярэчаць асноўнай мэце Украіны - гэта сяброўства ў Еўрапейскім Звязе. Пасля прыняцця гэтага закона гэта азначае, што Украіне будзе забаронена (сяброўства) як у Мытным, так і ў Еўразійскім, так і іншых рознага роду так званых «саюзах», якія, па сутнасці сваёй, з'яўляюцца нічым іншым, як Савецкім Саюзам імя Расейскай Федэрацыі», - падкрэсліў Яцэнюк.
«Звяртаемся да прэзідэнта Украіны вызначыць гэты законапраект як неадкладны, як вызначана пастановай РНБА, і да ўкраінскага парламенту - разгледзець яго неадкладна», - сказаў прэм'ер.