«Коммерсант»: У справе Нямцова з'явіўся новы фігурант

У следства ў справе аб забойстве апазіцыянера Барыса Нямцова, магчыма, з'явіўся новы фігурант.

Пра гэта паведамляе «Коммерсант» са спасылкай на блізкую да следства крыніцу.

Са слоў падазраванага Заура Дадаева, гэта мужчына, які прадставіўся Руслікам. Паводле паказанняў, ён падаў для ўчынення забойства машыну і зброю. Акрамя таго, Руслік (яго сапраўднае імя і прозвішча следствам не выдаюцца) абяцаў за забойства апазіцыянера па пяць мільёнаў рублёў. Выданне мяркуе, што менавіта Руслік мог быць заказчыкам забойства.

Мужчына пакуль не аб'яўлены ў вышук. Следчыя збіраюць іншыя довады яго магчымай датычнасці да злачынства, бо пакуль пра яго паведаміў толькі Заур Дадаеў, які супрацоўнічае з праваахоўнымі органамі.

Між тым, 27 сакавіка паведамлялася, што ў справе Нямцова быў дапытаны новы сведка: камандзір батальёна «Поўнач» Руслан Герамееў. Першапачаткова следства зрабіла выснову аб ягонай магчымай датычнасці да злачынства, абапіраючыся на паказанні двух абвінавачаных у забойстве. Пазней фігуранты ад паказанняў адмовіліся, таму Герамеева наважана было дапытаць толькі ў якасці сведкі.

Барыс Нямцоў быў забіты ў ноч на 28 лютага на Вялікім Маскварэцкім мосце ў цэнтры сталіцы. У палітыка трапілі чатыры кулі, ён памёр на месцы. 8 сакавік Басманны суд Масквы арыштаваў праз падазрэнні ў забойстве пяць чалавек.