Падазраваныя ў забойстве Нямцова скардзяцца на катаванні

Заур Дадаеў і Тамерлан Эскерханаў звярнуліся ў Камітэт супраць катаванняў са скаргай на прымяненне да іх недапушчальных метадаў допыту.

Пра гэта 31 сакавіка ў эфіры радыёстанцыі «Гаворыць Масква» паведаміў кіраўнік маскоўскага аддзела Камітэта супраць катаванняў Сяргей Бабінец.

«Канкрэтна Дадаеў паскардзіўся на тое, што яго катавалі электрычным токам, збівалі. Эскерханаў распавёў пра тое, што яго пры затрыманні ў Маскве людзі ў камуфляванай форме таксама збівалі і потым, калі канваіравалі ў суд таксама наносілі ўдары па твары, патыліцы. Сфатаграфавалі яго распранутым і падпальвалі бараду. Мы цяпер гэтыя факты стараемся праверыць», - распавёў Бабінец.

Таксама, са слоў Бабінца, СК ужо два тыдні не пускае адваката Яўгена Губіна да падабаронных.

Падазраваныя ў забойстве Нямцова ўжо заяўлялі пра ўжыванне да іх катаванняў.

Заур Дадаеў, Тамерлан Эскерханаў, Анзор і Шагіт Губашавы і Хамзат Бахаеў 8 сакавіка 2015 года былі арыштаваныя Басманны судом Масквы ў падазрэнні ў забойстве палітыка Барыса Нямцова.

Лідар расейскай апазіцыі быў забіты ў ноч на 28 лютага на Вялікім Маскварэцкім мосце ў цэнтры сталіцы. У палітыка трапілі чатыры кулі, ён памёр на месцы.