Гурт IOWA: Жыццё ў Беларусі – жадаецца лепшага, асабліва заробкаў людзей

У расейскім Белгарадзе з канцэртам выступіў беларуска-расейскі гурт IOWA.

Сёння песні двух маладых хлопцаў і адной дзяўчыны гучаць з кожнага кута, а матывы «Простой песни», «Маршрутки» і «Улыбайся» ведаюць усе, хто раніцай перад працай уключаюць радыёпрымач.

Перад канцэртам вакалістка гурту Каця Іванчыкава, (дарэчы, у свой час спявала ў мюзікле Іллі Алейнікава «Прарок»), гітарыст і аўтар песень Леанід Цярэшчанка і бубнач Васіль Буланаў распавялі ў інтэрв'ю go31.ru у тым ліку і пра тое, што іх дзівіць, калі яны прыязджаюць на радзіму.

На думку музыкаў 2010, калі IOWA пераехала ў Расею, не быў самым складаным годам у жыцці Беларусі:

«Ну, калі ўжо так казаць, то складаны перыяд у Беларусі быў заўсёды. Нам знаёмыя, якія бываюць там праездам, заўсёды кажуць:» Ой, у вас так чыста. Вуліцы што шампунем мыюць? Крута». І гэта, напэўна, адзінае, чым можа пахваліцца наша краіна».

Яны распавялі, што не так даўно ездзілі ў Беларусь да сваякоў і адзначылі, што там не ўсё так добра, як можа камусьці здацца:

«Хочацца сказаць, што жыцця там хочацца лепшага, асабліва заробкаў людзей. Але пра палітыку мы не любім размаўляць, паміж сабой мы гаворым пра музыку - гэта наша сфера».