Пра псіхічнае здароўе нападніка на ГЦ у Менску раскажуць толькі праз месяц
53- 14.10.2016, 8:31
- 12,248
Такая методыка гэтай экспертызы, кажуць у Дзяржкамітэце судовых экспертыз.
Вынікі комплекснай судова-псіхіятрычнай экспертызы Уладзіслава Казакевіча, які напаў з бензапілой і сякерай на наведвальнікаў гандлёвага цэнтра «Новая Еўропа» будуць не раней чым праз месяц.
Пра гэта паведаміў старшыня Дзяржаўнага камітэта судовых экспертыз Беларусі Андрэй Швед у эфіры праграмы «Трэба разабрацца» на тэлеканале АНТ, піша БелТА.
«Першыя экспертызы толькі прызначаныя, усяго іх будзе не менш некалькіх дзесяткаў. Першасным матэрыялам валодае следства, ён паступае да нас, і мы праводзім па ім працу. Калі браць комплексную судова-псіхіятрычную экспертызу, якая зараз праводзіцца нашымі спецыялістамі, то высновы будуць не раней чым праз месяц - такая методыка гэтай экспертызы», - растлумачыў Андрэй Швед.
Вечарам 8 кастрычніка 17-гадовы студэнт Казакевіч напаў з бензапілой і сякерай на наведвальнікаў ГЦ «Еўропа». У выніку адна жанчына памерла на месцы, дзве атрымалі раненні. Расследаванне ўзяў пад асабісты кантроль старшыня Следчага камітэта Беларусі Іван Наскевіч.