Барыс Грабеншчыкоў напісаў ліст падтрымкі Ільдару Дадзіну
3- 4.12.2016, 16:24
- 17,515
Вядомы музыка падтрымаў палітвязня ў рамках акцыі праваабарончай арганізацыі Amnesty International.
Музыка Барыс Грабеншчыкоў напісаў ліст падтрымкі Ільдару Дадзіну ў рамках акцыі праваабарончай арганізацыі Amnesty International. Копія ліста была апублікаваная ў Twitter дырэктара расейскага прадстаўніцтва арганізацыі Сяргея Нікіціна, паведамляе ТАСС.
Борис Гребенщиков #БГ поддержал #Ильдар #дадин своим письмом в колонию в рамках кампании @amnestyrus https://t.co/j7rOrGwl8f pic.twitter.com/FtMFQoUIFr
— Sergei Nikitin (@Amnesty_Nikitin) 3 декабря 2016 г.
«Мы думаем пра цябе - і хай сітуацыя з табой хутчэй зменіцца да лепшага і ты будзеш вольны», - напісана ў лісце.
Ільдар Дадзін у снежні 2015 года быў прысуджаны да трох гадоў пазбаўлення волі за парушэнні на мітынгах. Ён стаў першым расейцам, прысуджаным да рэальнага тэрміна паводле гэтага артыкула. У сакавіку 2016 года Масгарсуд змякчыў яму прысуд да двух з паловай гадоў пазбаўлення волі.
Ва УФСВП Рэспублікі Карэлія 17 лістапада паведамілі, што ў Дадзіна адбыўся канфлікт з сукамернікам з бытавых прычын, які перарос у бойку. Жонка Дадзіна, Анастасія Зотава, сцвярджала, што бойка адбылася на віну сукамерніка, які рассек Дадзіну вусны, а потым схапіў за шыю і спрабаваў паваліць на падлогу.
Прэс-сакратар рэгіянальнай управы ФСВП Віталь Фефелаў паведаміў, што Дадзіна і ягонага сукамерніка перавялі ў памяшканні камернага тыпу (ПКТ), дзе яны правядуць паўгода. Паводле ягоных слоў, ПКТ - гэта адзіночная камера, але ўмовы ўтрымання ў ёй мякчэйшыя, чым у штрафным ізалятары.
Еўрапарламент 24 лістапада прыняў рэзалюцыю, у якой заклікаў «неадкладна і безумоўна» вызваліць Дадзіна.
Прэзідэнцкая Рада правоў чалавека (РПЧ) 2 снежня апублікавала даклад аб умовах утрымання актывіста ў карэльскай папраўчай калоніі №7. У ім пацвярджаецца, што Дадзіна ў папраўчай установе б'юць, а адміністрацыя яму пагражае.