Супрацоўнік менскага аэрапорта скраў гадзіннік у пасажыркі

Супрацоўнік Нацыянальнага аэрапорта Мінск падазраецца ў крадзяжы наручнага гадзінніка ў пасажыркі ў зоне перадпалётнага надгляду.

Пра гэта паведаміў БелТА супрацоўнік прэс-службы Міністэрства ўнутраных спраў Беларусі Аляксандр Марчанка.

Паводле ягоных слоў, у дачыненні да супрацоўніка аэрапорта распачатая крымінальная справа паводле ч.1 арт. 205 (крадзеж) Крымінальнага кодэкса Беларусі. Мужчыну, згодна з артыкулам, пагражае пакаранне ў выглядзе грамадскіх работ, або штрафу, або папраўчых работ на тэрмін да двух гадоў, або арышт, або абмежаванне волі на тэрмін да трох гадоў, або пазбаўленне волі на той жа тэрмін.