Менчукі пачысцiлi Свіслач ад смецця

На беразе ракі прайшла акцыя «Чыстая плынь».

Амаль 100 валанцёраў выйшлі на генеральную прыбіранне «Чыстая плынь», каб ачысціць ад смецця бераг ракі Свіслач. Такая акцыя праходзіць ужо пяты год запар, а за арганізацыю гэтага экалагічнага мерапрыемствы ўзялася кампанія «Аліварыя», праект «Мэта 99» і валанцёры, піша «Наша Нiва».

«За 5 гадоў правядзення нашай акцыі «Чыстая плынь» было сабрана больш за 900 кг смецця сіламі амаль 300 валанцёраў, - кажа мэнэджар карпаратыўных камунікацый ААТ «Піўзавод Аліварыя» Ала Мачалава. - Але для нас важна нават не тое, колькі кілаграмаў смецця было сабрана за час акцый. Значна важней прыцягваць увагу да гэтай унікальнай прыроднай тэрыторыі ў межах горада, падвышаць экалагічную пісьменнасць, выхоўваць звычку паасобна збіраць адкіды і наогул клапаціцца пра экалогію роднага горада».

Свіслач з'яўляецца адной з экалагічна каштоўных рэк Менска, бо тут водзіцца 15 відаў рыбы.

Перад прыборкай трэнер эка-талакі Аляксей Купракоў правёў трэнінг як правільна збіраць смецце.

Бутэлькі, ежа, мяшкі - асноўнае смецце на беразе Свіслачы, ды і не толькі там. Хоць часам атрымліваецца знаходзіць сапраўдныя «рарытэты» - покрыўкі ад трактара, выкінутыя ўнітазы.

За 5 гадзін акцыі супольнымі сіламі было сабрана 400 кг смецця. Усе ўдзельнікі акцыі ў якасці падарунка змаглі пракаціцца на катэры па Свіслачы, а экскурсавод падчас плавання распавёў пра невядомыя старонкі гісторыі Чыжоўкі.