Мінабароны: Студэнтам будуць даплачваць пасля войска

А тых, што пабываў «у ботах», хочуць браць у ВНУ па-за конкурсам.

У Беларусі плануецца сур'ёзна ўзмацніць матывацыю для праходжання тэрміновай вайсковай службы. Гэтая тэматыка абмяркоўвалася на Усеармейскай нарадзе салдацкага актыву Узброеных сіл, якая прайшла 2 верасня ў Менску.

Як паведамляе «Беларуская ваенная газета», у красавіку гэтага года ў Міністэрстве абароны была створана рабочая група, якая вывучыла становішча спраў у гэтай вобласці, сусветны досвед, ажыццявіў збор і аналіз прапаноў з войскаў.

«У самым агульным плане слова «матыў» азначае заахвочвальную прычыну да якога-небудзь дзеяння, - цытуе «БВГ» міністра абароны генерал-лейтэнанта Андрэя Раўкова. - Цяпер працягваецца прапрацоўка пытання аб павышэнні грашовага забеспячэння салдат і сяржантаў тэрміновай вайсковай службы. Але праблема не толькі ў грашовым забеспячэнні. Гэта таксама ўнясенне змяненняў у заканадаўства ў кантэксце павышэння прэстыжу воінскай працы салдата і сяржанта. Напрыклад, перспектыўнымі з'яўляюцца прапановы аб выдаванні асобных ільгот грамадзянам, якія прайшлі вайсковую службу паводле прызыву, пры паступленнi на дзяржаўную службу».

Як адзначае вайсковае выданне, важным момантам з'яўляецца, прапрацоўка пытання аб магчымасці выдавання грамадзянам, якія прайшлі тэрміновую вайсковую службу і якія маюць рэкамендацыі воінскіх часцей, пераважнага права на залічэнне па-за конкурсам ва ўстановы вышэйшай і сярэдняй спецыяльнай адукацыі. А таксама аб увядзенні льгот для студэнтаў навучальных устаноў, якія прайшлі вайсковую службу паводле прызыву: знізіць кошт навучання, увесці даплату да стыпендыі.