Каталіцкі і праваслаўны святары разам акунуліся ў палонку на Вадохрышча
2- 20.01.2017, 10:39
- 20,833
Прыхаджане абедзвюх канфесій з Росіцы пад Верхнядзвінскам адзначаюць святы разам.
У Росіцы пад Верхнядзвінскам 19 студзеня праваслаўныя вернікі, святкуючы Вадохрышча Госпада згодна з традыцыяй, абсталявалі на мясцовым возеры палонку-купель, уладкоўваць якую дапамаглі каталіцкія вернікі, якіх у вёсцы большасць.
Сваёй царквы ў Росіцы няма, вернікі належаць да прыходу Звеставання Багародзіцы ў суседняй Сар’і. Богаслужэнне і чын асвячэння вады ў возеры зладзіў настаяцель храма ў Сар’і протаіерэй Васіль Стрэха, паведамляе catholicnews.by.
Традыцыю тройчы акунацца ў купель з малітвай падтрымаў каталіцкі святар - вікарый Траецкага касцёла кс. Андрэй Сідаровіч MIC. Разам з ім у палонку акунуліся некалькі ягоных вернікаў.