Кур'ёзная прапанова рукі і сэрца стала хітом сеткі
5- 24.01.2017, 9:28
- 19,695
Выпадак адбыўся ў горадзе Атланта на адным з матчаў амерыканскай баскетбольнай каманды Atlanta Hawks.
Відэа, на якім адлюстраванае няўдалая прапанова рукі і сэрца, стала хітом у Facebook.
Выпадак адбыўся ў горадзе Атланта на адным з матчаў амерыканскай баскетбольнай каманды Atlanta Hawks. «Мінулым вечарам заўзятар паспрабаваў зрабіць прапанову сваёй дзяўчыне, але потым здарылася вось гэта», — сказана на афіцыйнай старонцы Atlanta Hawks у сацыяльнай сетцы Facebook.
У аб'ектыў камеры, усталяванай у Philips Arena, трапіла парачка закаханых. Маладзён, які знаходзіўся на трыбуне, дастаў заручальны пярсцёнак і ўжо быў гатовы ўручыць яго сваёй дзяўчыне, але глядач, што сядзеў побач, занадта моцна ляпнуў яго па плячы, і пярсцёнак паляцеў долу.
За дзень відэа набрала больш за 300 тысяч праглядаў, паведамляе РІА «Новости».