Актывісты дамагаюцца скасавання незаконных штрафаў і пабораў
3- 24.01.2017, 11:44
- 23,682
Ініцыятарам акцыі стаў былы суддзя Канстытуцыйнага суда Міхаіл Пастухоў.
Шэраг менскіх грамадскіх актывістаў, аб'яднаных у ініцыятыву «Крок да закона», пачалі збор подпісаў пад заявай у дзяржаўныя і міжнародныя інстанцыі, паведамляе «Радыё Рацыя».
«Падставай для гэтага сталі назапашаныя штрафы для грамадска-палітычных актывістаў», - паведамляе адна з ініцыятараў збору подпісаў беларуская рэжысёрка Вольга Мікалайчык:
- Паводле нашых звестак, сёння блізу 150 тысяч даляраў за 2016 год судова-прававая сістэма Беларусі патрабуе ад беларускіх актывістаў за ўдзел у мірных мітынгах і пікетах. Больш за 577 пастаноў выпісана на аплату штрафаў беларускімі актывістамі. Гэта катастрофа, гэта правал міжнароднай палітыкі ў дачыненні да Беларусі».
Сярод ініцыятараў збору подпісаў - былы суддзя Канстытуцыйнага суда Міхаіл Пастухоў.
«Фактычна дзяржава прымяняе эканамічны тэрор у дачыненні да грамадскіх актывістаў», - адзначыў ён.