NASA прапанавала просты спосаб пошуку слядоў жыцця на іншых планетах

Новая методыка дазваляе знаходзіць амінакіслоты ў вадкасцях.

Даследнікі NASA прапанавалі просты спосаб вызначэння наяўнасці жывых арганізмаў на планетах і спадарожніках, на якіх прысутнічае вадкасць. Як паведамляецца на сайце NASA, у аснове метаду ляжыць выяўленне амінакіслот, якія з'яўляюцца "будаўнічымі блокамі" жыцця на Зямлі, паведамляе zn.ua.

Даследчыкі прапанавалі новую методыку аналізу ўзораў вадкасці, якая дазваляе знайсці ўсе амінакіслоты ў самых мікраскапічных канцэнтрацыях і адрозніваць іх "жывыя" версіі ад прадуктаў хімічнай эвалюцыі. Падчас экспэрыменту дастаткова змяшаць вадкасць са спецыяльным рэагентам. Калі атрыманую сумесь асвятліць з дапамогай лазера, то можна ўбачыць, што часціцы рознага рэчывы рухаюцца з рознай хуткасцю. Амінакіслоты ў такой сумесі рухаюцца значна павольней, чым іншыя рэчывы.

Для таго, каб праверыць эфектыўнасць метаду, навукоўцы даследавалі ўзоры вады з возера Мона ў Каліфорніі. Мяркуецца, што вада ў ім падобная складам да падлёднага акіяну Энцэлада ці Еўропы.

У ходзе даследавання навукоўцам атрымалася выявіць у вадзе 17 розных амінакіслот, у канцэнтрацыях амаль у 10 разоў ніжэйшых, чым тыя, якія можа знайсці лабараторыя SAM на борце марсахода Curiosity, самы адчувальны інструмент такога кшталту за межамі Зямлі.