З Беларусі ў Літву не пусцілі адзін з вагонаў цягніка праз намаляваную літару

Ён ехаў у Калінінградскую вобласць Расеі.

Праз літару Z адзін з вагонаў цягніка, які накіроўваўся з Беларусі ў Калінінградскую вобласць Расеі, не пусцілі ў Літву. Яе заўважылі літоўскія памежнікі. У выніку вагон адчапілі.

Такі выпадак на літоўска-беларускай мяжы адбыўся ўвосень 2022-га. Праз такі ж знак на цыстэрне яе не прапусцілі ў Літву і вярнулі ў Беларусь.

Літара Z - адзін з сімвалаў расейскай агрэсіі супраць Украіны.