Міністэрства аховы здароўя РФ прапануе павялічыць працоўны дзень курцоў
24- 9.01.2017, 21:44
- 20,848
Такая прапанова ўтрымліваецца ў антытытунёвай канцэпцыі Міністэрства аховы здароўя на 2017-2022 гады.
У Міністэрстве аховы здароўя РФ прапануюць даць працадаўцам магчымасць павялічваць працягласць працоўнага дня супрацоўнікаў прапарцыйна часу, змарнаванага на перакуры. Такая прапанова ўтрымліваецца ў антытытунёвай канцэпцыі Міністэрства аховы здароўя РФ на 2017-2022 гады, паведамляе RNS са спасылкай на копію дакумента.
«Магчымасць працадаўцы павялічваць працягласць працоўнага часу работніка прапарцыйна часу, змарнаванага ім на паленне тытуню цягам працоўнага дня», — гаворыцца ў дакуменце.
Канцэпцыя таксама прапануе бесперапыннае падвышэнне ставак на тытунёвыя вырабы да ўзроўню падаткаабкладання сярод краін Еўрапейскага рэгіёна СААЗ, у тым ліку міністэрства прапануецца з 2017 года ўвесці падатак на раздробны продаж звычайных і электронных цыгарэт у памеры 10% ад кошту тавараў з накіраваннем сродкаў у бюджэты рэгіёнаў.
Раней СМІ паведамлялі, што Міністэрства аховы здароўя РФ хоча забараніць продаж тытуню з 2015 годзе.
Як заявіў прэс-сакратар прэзідэнта Расеі Дзмітрый Пяскоў, у Крамлі няма пазіцыі наконт антытытунёвай канцэпцыі Міністэрства аховы здароўя.