У Кітаі запусцілі онлайн-гульню з воплескамі Сі Цзіньпіну

Задача гульца - зрабіць як мага больш «воплескаў».

Кітайская тэлекамунікацыйная кампанія Tencent Holdings запусціла онлайн-гульню, у якой карыстальнікі павінны пляскаць старшыні Кітая Сі Цзіньпіну. Пра гэта паведамляе Bloomberg, піша republic.ru.

Гульня выйшла 18 кастрычніка - у дзень адкрыцця XIX з'езда Камуністычнай партыі Кітая. У першы дзень форуму Сі Цзіньпін выступіў з прамовай, якая доўжылася амаль тры з паловай гадзіны. Падчас выступу ён апісаў 14 асноўных прынцыпаў развіцця кітайскага сацыялізму і абвясціў, што да 2050 года Кітай стане «багатай і магутнай дзяржавай», «глабальным лідарам у агульнай сіле нацыі і міжнародным уплыве».

Карыстальнікам гульні Tencent прапануецца спачатку праглядзець асноўныя моманты выступу кіраўніка Кітая, затым у іх ёсць 19 секунд, каб націскаць на кнопку «воплескаў». Задача гульца - зрабіць як мага больш «воплескаў».

Як паказвае блог What's on Weibo (Weibo - кітайскі аналаг твітэра), новая гульня стала гітом. Да канца дня ў яе згулялі больш за 400 млн разоў. Bloomberg удакладняе, што за дзень гульцы «папляскалі» Цзіньпін амаль 800 млн разоў.