Беларусы заваявалі чатыры ўзнагароды ў мнагабор'і на ЧЕ ў спартыўнай акрабатыцы

Чэмпіянат Еўропы ў спартыўнай акрабатыцы прымае польскі Жэшуў.

Беларускія атлеты здабылі чатыры ўзнагароды ў шматбор'і на чэмпіянаце Еўропы ў спартыўнай акрабатыцы ў польскім Жэшуве, паведамілі БелТА у Беларускай асацыяцыі гімнастыкі.

У спаборніцтвах змешаных пар па-за канкурэнцыяй былі расейцы Марына Чарнова і Георгій Патару, якія перамаглі ў шматбор'і з вынікам 92,240. Сярэбраныя ўзнагароды ва ўпартай барацьбе заваявалі беларусы Артур Белякоў і Вольга Мельнік (86,370), якія змаглі апярэдзіць брытанскую пару Люіс Уокер/Кэтрын Уільямс (85,110).

На трэцюю прыступку п'едэстала гонару падняўся мужчынскі дуэт Аляксея Зайца і Арцёма Яшчанка. У Жэшуве гамельчукі сутыкнуліся з неаб'ектыўным судзействам у балансавай практыкаванні. Узнагарода дасталася беларусам толькі пасля апеляцыі на нізкія ацэнкі. У выніку беларусы выціснулі з тройкі прызёраў тытулаваных немцаў Себасцьяна Ціма і Міхаіла Крафта і заваявалі бронзавыя ўзнагароды (84.290). Чэмпіёнамі Еўропы сталі расейцы Ігар Мішаў і Мікалай Супрунаў (86.450), а бельгійцы Кіліан Гофа і Робін Касі занялі другое месца (85.550).

У спаборніцтвах жаночых груп пацвердзілі высокі клас Карына Сандовіч, Юлія Івончык і Вераніка Набокіна. У беларусак бронзавая ўзнагарода (83.790). Перамаглі тут расейкі (87.560), на другім месцы прадстаўніцы Вялікабрытаніі (86.000).

У мнагабор'і мужчынскіх груп ў юніёраў трэцяе месца занялі Мікіта Барысенка, Уладзіслаў Лішоў, Арцём Бухвалаў і Раман Макаранка.

Усяго ж на спаборніцтвах у Польшчы беларусы падымаліся на п'едэстал ужо 10 разоў у розных узроставых групах.

Чэмпіянат Еўропы ў спартыўнай акрабатыцы завершыцца 22 кастрычніка.