Еўрапарламент прыняў прынцыповую рэзалюцыю што да Крыму
- 5.10.2017, 15:49
- 20,679
Шэраг грамадзян РФ патрапілі ў санкцыйны спіс.
У Еўрапейскім парламенце асудзілі вынясенне прысудаў крымскататарскаму лідару і намесніку старшыні Меджліса Ільмі Умераву, намесніку Меджліса Ахтэму Чыйгозу, журналісту Мікалаю Сямёну, піша «Гордан».
Дэпутаты Еўрапейскага парламента прынялі рэзалюцыю аб парушэнні правоў чалавека ў анэксаваным Крыме. Аб гэтым паведамляецца на сайце Еўрапарламента.
У рэзалюцыі гаворыцца, што Еўразвяз асудзіў прэцэдэнты пераследу крымскіх татараў і вынесеныя ім абвінаваўчыя прысуды. У Еўрапарламента падкрэслілі, што забарона крымскататарскага Меджліса з'яўляецца парушэннем правоў чалавека.
«Мы асуджаем вынясенне прысудаў крымскататарскаму лідару і намесніку старшыні Меджліса Ільмі Умераву, намесніку Меджліса Ахтэму Чыйгозу, журналісту Мікалаю Сямёну», - адзначылі ў дакуменце.
Еўрадэпутаты заклікаюць Еўрапейскі суд у правах чалавека разглядаць пададзеныя з Крыма пазовы ў прыярытэтным парадку.
Еўрапарламент паказаў на неабходнасць сфармаваць механізм маніторынгу захавання правоў чалавека на акупаваным паўвостраве. У рэзалюцыі таксама ўтрымліваецца патрабаванне да расейскіх акупацыйных уладаў падаць доступ прадстаўнікам ААН, АБСЕ і СЕ ў правах чалавека для расследавання сітуацыі ў Крыме.
Дэпутаты падтрымалі ўвядзенне санкцый у дачыненні да асоб, якія маюць дачыненне да абвінаваўчых прысудаў Ахтэму Чыйгозу, Міколу Сямёну і Ільмі Умераву.