У Брусэлі прайшлі акцыі супраць рэжыму Лукашэнкі
5- 23.11.2017, 13:30
- 41,312
Беларусы Бельгіі правялі акцыі супраць дыктатара.
У Брусэлі прайшлі пратэсты супраць Лукашэнкі, нягледзячы на тое, што ён не паехаў на саміт «Усходняга партнёрства», паведамляе «Радыё Свабода».
24 лістапада ў Брусэлі пачынаецца саміт краін-удзельніц ініцыятывы Еўразвязу «Усходняе партнёрства».
Гэта - першы саміт «Усходняга партнёрства», на які быў афіцыйна запрошаны кіраўнік Беларусі Аляксандр Лукашэнка.
Аднак 21 лістапада Міністэрства замежных спраў Беларусі паведаміла, што Лукашэнка на саміт не паедзе, беларусую дэлегацыю ўзначаліць кіраўнік МЗС Уладзімір Макей.
Беларусы ў Бельгіі зладзілі пратэсты супраць дзеянняў рэжыму Лукашэнкі.