Як правільна працаваць за кампутарам

Аб чым неабходна памятаць, калі вы праводзіце восем гадзін за кампутарам.

Пераважная большасць з нас працуюць за кампутарам цэлы дзень. І роўна а 18:00, у канцы кожнага працоўнага дня ваша галава ператвараецца ў гарбуз, нібы карэта Папялушкі, піша healthyliving.com.ua. Як пазбегнуць наступстваў працяглай працы за кампутарам?

Паклапаціцеся аб узроўні манітора

Калі вы ўвесь час нахіляецца або падымаеце галаву падчас працы, вы пераціскае цягліцамі шыі крывяносныя сасуды. Вашаму мозгу бракуе кіслароду і вы хутчэй стамляецеся і губляеце ўвагу. Галаўны боль у канцы працоўнага дня таксама можа ўзнікаць менавіта праз гэта.

Пастаўце манітор на ўзровень вачэй, так, каб вы бачылі яго, не нагінаючыся і ня задзіраючы галаву.

Падказка: навучыцеся сляпому метау друку. Калі вы кожны раз сочыце за пальцамі на клавіятуры, вы глядзіце цэлы дзень ўніз, незалежна ад таго, дзе стаіць ваш манітор.

Піце ваду

Недахоп вільгаці ў арганізме назапашваецца незаўважна, але менавіта праз яго могуць перасыхаць вочы і пачынацца галаўныя болі. Без дастатковай колькасці вады ваша кроў становіцца гусцейшай і горш пераносіць кісларод да клетак вашага мозгу.

Рабіце перапынкі

Не, не на тое, каб пачытаць фрэндстужку. Кожную гадзіну вам неабходна ўставаць з-за кампутара і рабіць размінку. Хрыбетнік, талія, вочы і вены на нагах скажуць вам дзякуй.

Хадзіце пешшу

Калі вы працуеце на высокім паверсе, забудзьцеся пра ліфт. Уздым нават на 12 паверх, гэта цалкам пасільная задача, а разагнаць кроў вам проста неабходна. Да таго ж, за ўвесь дзень вы хадзілі па лесвіцы ад сілы два разы: на працу і з абеду.

Размінаемся проста на працоўным месцы

Вам нават не трэба ўставаць з-за стала. Простыя скручванні на крэсле з максімальнай амплітудай дапамогуць вам кампенсаваць вымушаную нерухомасць.

Павялічце шрыфт

Баляць вочы ад кампутара? Заціснутая клавіша «кантроль» і кручэнне колца мышы дазволяць вам выбраць патрэбны памер шрыфту. Не катуйце сябе, чытайце тэксты ў тым памеры, у якім зручна менавіта вам. Інакш вам забяспечаны галаўны боль ад сталага напружвання.

Міргайце

Калі вы працуеце перад экранам, частата вашага міргання зніжаецца ўтрая, што прыводзіць да перасыхання вачэй. Міргайце часцей і памятайце аб правіле 20х20: кожныя 20 хвілін вам неабходна глядзець удалячынь не менш за 20 секунд.

Давайце вачам адпачыць

Не ўпівайцеся поглядам у мабільны тэлефон падчас абеду ці адразу пасля працы. Не сядайце глядзець кіно адразу пасля працы. Наогул, завядзіце сабе звычку не менш за гадзіну не глядзець на электронныя прылады пасля працы.