Зміцер Вайцюшкевіч запрашае на калядны канцэрт
- 11.12.2017, 14:15
- 7,992
7 студзеня Зміцер Вайцюшкевіч і WZ-Orkiestra дадуць у Менску святочны канцэрт з праграмай «На Каляды».
Музыка запрашае ўсіх прыходзіць сем'ямі, піша tut.by.
- Раней мы рабілі такі канцэрт кожны год і цяпер вельмі хочацца вярнуць гэтую традыцыю, - кажа Зміцер Вайцюшкевіч. - Будуць найлепшыя песні, а таксама святочныя і нават дзіцячыя. Будзе самы найлепшы святочны настрой нават для тых, каго ён да гэтага абміне. Планую быць на канцэрце са сваёй сям'ёй і вас запрашаю прыходзіць разам з дзеткамі, - кажа Зміцер Вайцюшкевіч.
Назву праграме дала песня на словы Уладзіміра Някляева, анімацыйны кліп на якую за два гады сабраў больш за 40 тысяч праглядаў на YouTube. У кастрычніку 2017-га яна прагучала ў якасці акустычнага «біса» на юбілейным канцэрце Вайцюшкевіча «25 гадоў на сцэна» ў КЗ «Мінск» - тады яе спявала ўся зала.