Амерыканцы набылі беларускі стартап MapData

Кампанія MapData працуе ў сферы картаграфічных сэрвісаў.

Сёння стала вядома аб набыці амерыканскай фірмай Mapbox беларускай кампаніі MapData, якая працуе ў сферы картаграфічных сэрвісаў. Пра гэта паведаміла на сваёй старонцы ў Facebook юрыдычная кампанія «Алейнікаў і партнёры», якая ўдзельнічала ў суправаджэнні ўгоды, піша onliner.by.

Такім чынам, MapData стала яшчэ адной кампаніяй пасля AI Matter, якую набыла амерыканская юрыдычная асоба. Абедзве кампаніі некаторы час вялі супольныя распрацоўкі. MapData кіруе Аляксандр Мацвеенка, які раней удзельнічаў у развіцці сэрвісу maps.me.