Віктар Ганчарэнка: з Жазэ Мурынью гутарыў, як Элачка-Людаедка

Галоўны трэнер ЦСКА здавён сімпатызуе «Манчэстару Юнайтэду».

Галоўны трэнер ЦСКА, беларускі спецыяліст Віктар Ганчарэнка падзяліўся са sport-express.ru падрабязнасцямі сваіх стасункаў з трэнерам "Манчэстара Юнайтэда" Жазэ Мурынью пасля паразы (1:4) у Лізе чэмпіёнаў.

- За каго, дарэчы, будзеце цяпер хвалявацца ў ЛЧ?

- Здавён сімпатызую "Манчэстару Юнайтэду". Так што буду падтрымліваць каманду Мурынью, няхай яна пройдзе як мага далей.

- Ці выпала грунтоўна пагаварыць з партугальцам пасля вашых матчаў з "Манчэстарам"?

- Так. Камера выхапіла нашу з ім размову, і пасля гульні мне затэлефанавалі здзіўленыя жонка і сын: "Пра што ты мог гаварыць з Мурынью, улічваючы ўзровень тваёй ангельскай мовы?".

- Што адказалі?

- Сказаў, што гутарыў як Элачка-Людоедка з "12 крэслаў". Ейны слоўнікавы запас складаў 30 слоў. У мяне, напэўна, крыху больш ангельскіх - 50. Вось я іх усе яму і выклаў! Ужо не ведаю, зразумеў ён мяне ці не (смяецца).

- Вы ж яго зразумелі?

- Так, выдатна. Тое, што ён пытаўся, у прынцыпе, нескладана было разабраць. А вось мае адказы...

- Асаблівы не паказаў, што ў вас, мякка кажучы, не вельмі добрая ангельская мова?

- Ну, калі б ён мне яшчэ дадатковыя пытанні задаваў, тады наогул бы мяне збянтэжыў. А ўвогуле Мурынью малайчына. З суддзямі гаварыў па-італійску, са мной па-ангельску, з нашымі бразільцамі - Віціньё і Марыю Фэрнандэсам - па-партугальску.