«Магілёўрыбу» прызналі банкрутам

У прадпрыемства засталося больш за два мільёны рублёў запазычанасці.

Адкрытае акцыянернае таварыства «Магілёўрыба» - банкрут. На прадпрыемстве 15 снежня адкрылася конкурсная вытворчасць, паведамілі ў Магілёўскім абласным эканамічным судзе. Наколькі гэты крок будзе паспяховым, вырашаць 16 сакавіка 2018 года, паведамляе tut.by.

«Магілёўрыбу» стварылі з камунальнага вытворча-гандлёвага ўнітарнага прадпрыемства «Магілёўскі рыбакомплекс» у студзені 2013 года як прадпрыемства рыбаводства, перапрацоўкі і кансервавання рыбы і рыбных прадуктаў. 99,97% акцый «Магілёўрыбы» належыць Магілёўскаму аблвыканкаму.

У судзе ўсталявалі, што прадпрыемства неплацежаздольнае. З 2013 года яно працуе са стратамі, а з пачатку 2016 года не вядзе вытворчую дзейнасць. Асноўная крыніца даходу з таго часу - гэта выдаванне ў арэнду іншым арганізацыям складскіх памяшканняў і халадзільных камер. Да моманту падачы заявы ў суд сума крэдыторскай запазычанасці «Магілёўрыбы» складала 2,71 млн руб.

Антыкрызісным кіраўніком прызначаны Уладзімір Кароткін. Спісачная колькасць работнікаў прадпрыемства паводле стану на снежань 2017 года складае 22 чалавекі.