Бунт у Менску: Плаціць двойчы не будзем!

640 сем'яў аб'ядналіся, каб разам патрабаваць дабудаваць іх дамы.

«Тамбаз» пачаў будаваць ЖК «Аркадзія» ў 2014 годзе. Большая частка дамоў паспяхова пабудаваная. Аднак у кампаніі пачаліся цяжкасці і будоўля спынілася ў траўні 2017 года. 640 сем'яў з двух дамоў чакаюць кватэры. Яны аб'ядналіся, каб разам патрабаваць дабудаваць іх дамы, піша tut.by.

Нагадаем, што адзін з кіраўнікоў «Тамбаз» Леў Хаюцін затрыманы за тое, што выкарыстаў грошы, атрыманыя ад продажу аблігацый з двух дамоў на іншыя будоўлі гэтага ЖК.

«На падставе праверачных матэрыялаў было выяўлена, што былы генеральны дырэктар СТАА «Тамбаз» у парушэнне парадку выкарыстання грашовых сродкаў, прыцягнутых пры дапамозе выпуску і рэалізацыі жыллёвых аблігацый, прызначаных для фінансавання будаўніцтва двух жылых дамоў (...) выдаткаваў гэтыя сродкі на выкананне абавязанняў таварыства для будаўніцтве іншага жылога дома, а таксама на аплату будаўнічых матэрыялаў і будаўніча-мантажных работ на іншых аб'ектах будаўніцтва гэтага грамадскага ЖК», - напісаў КДК.

Характэрна, што ў долевым будаўніцтве існуюць спецыяльныя рахункі (грошы дольнікаў з яго могуць быць выдаткаваныя выключна на будаўніцтва канкрэтнага дома). Тады як грошы, якія паступаюць ад продажу аблігацый, могуць выдаткоўвацца (з пэўнымі абмежаваннямі) на меркаванне забудоўшчыка. Дзяржава ўхваліла такую сістэму будаўніцтва, бо (і гэта неаднаразова рэкламавалася) аблігацыі - каштоўныя паперы, якія застрахаваныя.

Не толькі «Тамбаз» прадае бетонаметры праз аблігацыі і будуе паралельна гандлёвыя цэнтры, паркінгі і г.д.

Сёння кіраўнік «Тамбаз» Аляксандр Аўсяннікаў абяцаў вывесці будаўнікоў. Людзі ў відэа звяртаюць увагу - будаўнікі павінны дабудоўваць стылабатную частку з гандлёвымі аб'ектамі.