У Берасці Дзед Мароз ездзіць на ровары
- 30.12.2017, 15:26
- 9,179
Які самы хуткі спосаб павіншаваць максімальную колькасць людзей? Вядома ж, на ровары.
Пераднавагодні парадак мірнага берасцейскага вечара парушылі актывісты «За вела Берасце».
«Чаго мы ўсе чакаем у пераднавагоднія дні? Чагосьці новага, дзіўнага і вядома падарункаў! Мы любім наш горад і вельмі хочам, каб усе, а асабліва маленькія гараджане былі радаснымі і шчаслівымі» - кажа веласіпедная Снягурка Марына, яна ж па сумяшчальніцтве кіраўніца прэс-службы ўстановы «За вело Брест».
«Мы хочам падзяліцца пазітывам, які дорыць нам ровар. Паказаць, што веласіпедыстамі могуць быць усе без выключэння:)
Вядома, за стырном усякага транспартнага сродку, няхай гэта будзе аўтамабіль або ровар, бываюць неадэкватныя кіроўцы. Вельмі хочам, каб яны не псавалі берасцейцам настрой, а Берасце стала камфортным і зручным для ўсіх: аўтамабілістаў, пешаходаў, веласіпедыстаў» - кажа Андрэй, арганізатар святочнага мерапрыемства ад «За вела Берасце».