Выйшла кніга пра беларускую «жалезную дывізію» Войска Польскага

Штаб дывізіі знаходзіўся ў Баранавічах, а яе часткі - у розных гарадах рэгіёну.

Ігар Мельнікаў выдаў чарговую кнігу - аб 20-й пяхотнай дывізіі Войска Польскага, якую называлі беларускай, паведамляе «Польскае радыё».

Вядомы беларускі гісторык, кандыдат гістарычных навук Ігар Мельнікаў скончыў працу над новай кнігай - на днях яна выйшла на польскай мове ў серыі «Вялікая кніга польскай пяхоты».

Штаб дывізіі знаходзіўся ў Баранавічах, а яе часткі - у розных гарадах рэгіёну.

У кнізе таксама апісаная постаць камандзіра 79-га палка слонімскіх стралкоў імя Льва Сапегі палкоўніка Канстанціна Забароўскага, які, дарэчы, да гэтага быў вайсковым аташэ ў Маскве.

Жаўнеры гераічна змагалася пад Млавай у 1939 г з гітлераўцамі, за што немцы яе назвалі «жалезнай дывізіяй». Дарэчы, раней у інтэрв'ю Ігар Мельнікаў нам казаў, што «польскія афіцэры дывізіі згадвалі беларусаў як сапраўдных герояў».