Прафесар Лепін: Я ўважаю за патрыёта таго, хто кажа праўду
13- 9.12.2017, 21:43
- 23,541
Будаўніцтва АЭС пад Астраўцом - памылка, за якую беларусы могуць дорага заплаціць.
Аб сапраўдным патрыятызме і значэнні праўды «Белсату»Георгій Лепін, фізік, прафесар, доктар тэхнічных навук, сустаршыня грамадскага аб'яднання «Навукоўцы за бяз'ядзерную Беларусь», удзельнік работ для ліквідацыі наступстваў аварыі на Чарнобыльскай АЭС.
«Калі я ўпершыню пачуў, што Астравецкая пляцоўка была абраная для будаўніцтва АЭС, то я быў проста шакаваны. Я даўно ведаў, што яна небяспечная, што на ёй быў землятрус, што там ёсць скрыжаванне разломаў зямной кары. За адзін кіламэтар ад яе знаходзіцца магільнік сібірскай язвы. Калі мне ў рукі патрапіла афіцыйная справаздача, падпісаная дваццаццю выканаўцамі, дзе было выяўна напісана, што гэта найгоршая пляцоўка сярод усіх, якія яны даследавалі, я не мог зразумець: як гэта магчыма - не заўважыць відавочных фактаў», - распавядае прафесар Лепін.
Георгій Лепін мяркуе, што будаўніцтва АЭС пад Астраўцом - памылка, за якую беларусы могуць дорага заплаціць.
«Лукашэнка называе навукоўцаў, якія з'яўляюцца супраціўнікамі ядзернай энергетыкі, «бандытамі ад навукі». Вось такое празванне я атрымаў ад яго», - кажа навуковец.
«Паўсюль спрабуюць падмануць, што гэта бяспечна, што ў нас будзе танная электраэнэргія, што гэта выгадна. Так кажуць напалоханыя людзі, якія баяцца за сваё месца. Яны трымцяць і думаюць, што барані Бог, ён скажа праўду, а яго звольняць... Гэта ўжо не патрыёт! Я ўважаю за патрыёта таго, хто кажа праўду. Не ў інтарэсах нейкіх канкрэтных кіраўнікоў, а менавіта сваёй краіны», - кажа Георгій Лепін.